小甜谷 Dessert Kaffee (已結業)

小甜谷一路以為剩係食甜野，原來而家係有好熟野食，今日經過就食午餐。跟餐可以叫冰果茶，甜甜地既茶有d 蜜糖味，裏邊仲有好多水果粒，感覺都幾fresh, 幾滋潤。大蝦蟹膏意粉係我最喜愛的，賣相吸引。蝦肉爽口彈牙，意粉醬汁酸酸地之餘有淡淡蟹膏味道，伴上蟹肉，車厘茄，正啊！勁開胃。另外叫左個burger, 牛肉無咩牛味同埋好乾身，比較失望。不過薯條唔錯，粗身勁多薯肉，配埋個黑松露醬一讚。食物整體唔錯，價錢相宜，環境坐得舒服，下次帶家母黎試下先。