串Grill 自助燒烤專門店 (譽發廣場) (已結業)

員工：服務態度非常好！一開始燒，我同朋友都好蠢，唔識點樣整到啲串燒識滾嚟滾去，職員見狀即刻過嚟幫手！另外就係最後食棉花糖，同朋友傾到忘哂形，一望，棉花糖溶哂跌哂落爐底😂😂 但員工好好 即刻俾返兩串我哋燒！ 讚讚！💆🏻‍♀️衛生：餐廳啲位好闊落，完全唔怕太迫！ 尤其係抽油煙做得非常好，我同朋友本身擔心食完會有味，但都冇咩事！另外就係佢哋嘅串燒架好慳位，唔會食得狼狽！有時燒燒下啲肉汁會滴哂出嚟，但個爐設計好好，唔會滴到油，非常乾淨！食物： 肉好食！💆🏻‍♀️但特別想講下個墨魚丸同雞卷實係好好食呀！💆🏻‍♀️ 💆🏻‍♀️🤰🏻羊肉都唔錯！唔會太羶！唔食開羊都唔會太難入口！ 最後仲有雪糕食添！🤤 絕對會返嚟再食🤤🤤