永年士多港式車仔麵 (加拿分道)

營業中

休息中

今日突然之間想食車仔麵，咁就去呢一間尖沙咀嘅永年士多啦，以前食過大碗麵同埋四寶麵，今天再食十寶大碗麵，食車仔麵其實就係貪佢多餸，所以食十寶大碗麵，10個餸應該10分滿足掛，今天又好鬼熱， 所以叫杯紅豆奶茶冰。排隊排咗幾分鐘，今次坐低等叫number，比以前方便得多。我叫了微辣的湯底，叫了油麵，我覺得油麵浸耐啲都唔會淋咗。菜心係甜嘅，爽爽地，蘿蔔冇揸清甜，豬紅口感都滑，我唔係食豬紅嘅專家，不過聽人講啲豬紅係豬血加雞血做出來的，總之口感好過癮就得啦。豬皮豬腸都幾好，雞翼尖都幾好味，雞翼可以呀，魷魚爽口， 紅腸OK，魚蛋我鍾意。奶茶紅豆冰都可以呀，紅豆夠淋，我照食。呢一餐唔敢話十分滿足，8分都有嘅，10個餸，一個麵，奶茶味，紅豆，加埋十三種味道及口感，都幾過癮嘅。