鯛魚魚湯專門店 (已結業)

今天到太古坊見客，做完事在附近搵食，搵到一間食完之後口內仲有鮮味的鯛魚湯專門店。這家性價比高，味道唔差，鯛魚湯夠濃，可以配搭不同材料，可以好似火鍋咁多材料，個人不喜歡太雜，本來只打算點鯛魚片鯛湯湯飯，不過配又覺得配海鮮都夾，而且見到牆上廣告吸引，最後選了番薯蜆大蝦魚湯湯飯。番薯蜆肥美新鮮，份量唔少，兩隻大蝦，都鮮甜，魚湯香濃夠味，所以湯飯很好吃。拍檔選了極鮮象拔蚌貝柱烏冬，新出的，象拔蚌新鮮，服務員千叮萬囑，象拔蚌在廚房已經煮好，所以千萬不可放入湯來浸，否則會變靭，少有在麵店吃都如有料理店質素的象拔蚌，只賣$128，實在性價比高。除了象拔蚌外，仲有不少元貝粒，及蟹柳都非常鮮甜，烏冬方面亦滑。仲加多一份小吃炸廣島蠔，炸蠔新鮮，外脆內軟，水份無流失，肥美大件，一客有三件，絕對超值。日本菜通常比較健康，因為喜歡用魚，之不過其實麵鼓湯有時會過鹹，用鯛魚湯做湯底我覺得非常好，喜歡！