馬泰 (已結業)

今次與幾位朋友一齊食，點左生蝦！我地落單個時，個女侍應勁黑面，語氣又唔好，博炒。侍應一拎個生蝦，放到我地面對，即刻Ｏ左嘴…我地幾個都未見過放得咁唔美觀既生蝦…見到都無乜食慾…不過，蝦都比起其他的泰國餐廳，大隻少少，肉質都有番咁上下。鮮甜就無乜喇，但點佢附上個個汁，辣辣地，都幾惹味。其餘，其實都未算太特別，味道都ＯＫ既。其中有趣既係，我朋友話呢間個個咖哩，好似日清個隻咖哩。大家食過先知喇～最後，我地叫個門口男侍應幫我地影相，呢個侍應真係好好笑容！態度抵讚！　不過，我諗唔會再黎呢間食野，因為真係幾貴。