影片
更多
2024-04-07
236 瀏覽
幸福麵館今次要介紹荃灣新開一間叫「幸福麵館」，呢間米線店啱啱試業中，行開附近嘅我見到未食Lunch有一於入去食，米線店門口係有一級，但今次我無帶定斜板，店員好好人幫我問附近車房借斜板比我用，真係好好人！入到呢間米線店見到主要有兩種色嘅枱面，一種係白色枱，另一種係粉紅色枱，我幾鍾意佢哋用粉紅色做枱面色，好少餐廳會用粉紅色，算係好大膽用！佢哋濃湯湯底主要用豬骨足料濃湯每日新鮮熬製8小時。辣度就分咗大中小三種辣度，仲可以加腩汁，不過呢度無得揀清湯，我工人姐姐果碗車仔麵唯有叫腩汁當清湯，唔食豬嘅你可以學我咁樣做，麵底就有13種麵揀，多款到不得了！1.八寶心滿意足（招牌牛丸、牛腩、咖哩魷魚、長洲大魚蛋、豬皮、豬紅、蘿蔔、時菜）（配一款$12麵底）（牛腩汁）（普通辣）$58+熱咖啡（跟餐優惠$3）（9.5/10）我就揀咗八寶心滿意足呢個餐，純粹唔使諗又包咗好多餸，總共有8款餸，有2粒超濃牛味又彈牙嘅牛丸、3舊好淋嘅牛腩、4塊豬皮、4舊豬血、4舊魷魚、1粒好彈牙長洲魚蛋、3舊無渣好甜嘅蘿蔔同2條菜心，麵就揀咗幼麵，辣度就揀咗普通辣，湯底就揀咗豬骨足料濃湯再加牛腩汁！熱咖啡：呢杯熱咖啡跟餐優惠只係加
今次要介紹荃灣新開一間叫「幸福麵館」，呢間米線店啱啱試業中，行開附近嘅我見到未食Lunch有一於入去食，米線店門口係有一級，但今次我無帶定斜板，店員好好人幫我問附近車房借斜板比我用，真係好好人！
入到呢間米線店見到主要有兩種色嘅枱面，一種係白色枱，另一種係粉紅色枱，我幾鍾意佢哋用粉紅色做枱面色，好少餐廳會用粉紅色，算係好大膽用！
佢哋濃湯湯底主要用豬骨足料濃湯每日新鮮熬製8小時。辣度就分咗大中小三種辣度，仲可以加腩汁，不過呢度無得揀清湯，我工人姐姐果碗車仔麵唯有叫腩汁當清湯，唔食豬嘅你可以學我咁樣做，麵底就有13種麵揀，多款到不得了！
1.八寶心滿意足（招牌牛丸、牛腩、咖哩魷魚、長洲大魚蛋、豬皮、豬紅、蘿蔔、時菜）（配一款$12麵底）（牛腩汁）（普通辣）$58+熱咖啡（跟餐優惠$3）（9.5/10）
我就揀咗八寶心滿意足呢個餐，純粹唔使諗又包咗好多餸，總共有8款餸，有2粒超濃牛味又彈牙嘅牛丸、3舊好淋嘅牛腩、4塊豬皮、4舊豬血、4舊魷魚、1粒好彈牙長洲魚蛋、3舊無渣好甜嘅蘿蔔同2條菜心，麵就揀咗幼麵，辣度就揀咗普通辣，湯底就揀咗豬骨足料濃湯再加牛腩汁！
熱咖啡：呢杯熱咖啡跟餐優惠只係加$3，原價單叫一杯要$13，咖啡味道微酸，好夠滑！
2.幸福自選4餸車仔麵$52起+柱侯牛腩加$2+滷水雞翼尖加$2+肥牛加$4+澳洲牛筋丸加$4（牛腩汁+兩倍辣）+凍檸茶（跟餐優惠$6）（9/10）
我就幫工人姐姐揀咗四餸車仔麵，包括有超濃牛味又彈牙嘅牛丸、3舊好淋嘅牛腩、5片肥牛、5隻雞翼尖同1條菜心，辣度就揀咗兩倍辣，湯底就只能揀牛腩汁！
凍檸茶：呢杯凍檸茶跟餐優惠只係加$6，原價單叫一杯要$16，入面有三片檸檬，正常味道，唔會好甜！
2人總共價錢$131
個人口味總評分：9.25/10
@happiness_tsuenwan
地址：荃灣享成街10號香城大廈地下6號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#幸福麵館 #米線店 #荃灣 #香港美食 #荃灣美食 #荃灣好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
