三門仔漁夫火鍋點心專門店 (已結業)

未去之前有D驚，因為住附近的同事也不知有呢間野。首先在門外看下，似乎也ok, 便入去搏一搏 。呢一搏，完全唔後悔。因為在openrice book 抬，所以送杏汁豬肺湯，好香杏汁味，正！雖然是送的，我們一行5人，各也飲了三碗多。今晚老板親自幫我們落單，介紹我們食炸子鷄、石鍋金銀蒜蟹飯、薑蔥桶蠔、胡椒鹹菜豬肚粉腸鮮魚窩，豉椒炒番薯蜆加煎米粉底。最後送的南瓜西米糖水也真材實料。蟹、蜆、蠔和魚也新鮮。一個朋友不吃魚的，也説那魚窩的魚不腥味。那個煎米粉，我食完又食。蟹飯的飯焦好脆。總之以上各菜式係無得輸 😋😋😋最後我們發現啲菜價好得意，諗住貴價嘅但又唔係好貴，啊諗住平嘅佢又貴喎，可能係佢哋嘅策略😀5個人食$1100而食咁既質素嘅食物也是ok的。