旺角冰室 (已結業)

旺角去到邊都有食肆，仲要有唔少冰室。最鐘意食傳統地道嘢，就揀呢間「旺角冰室」。內裡裝璜簡潔，餐牌清晰。焗芝士和牛漢堡扒飯嘩！芝士迷的我見到即心心眼！芝士舖滿整個飯鍋，面頭少少焗窿的芝士好吸引！拉絲效果一流！和牛漢堡份量足，又夠厚，口感豐富！炒飯底亦做得唔錯。 另外仲有紅蘿蔔及薯仔，正！主菜已經覺得好正！再嚟個雪山西多士。用了兩層厚麵包切件，賣相及口感又係一流！外層的蛋炸到香脆可口，蛋醬滲入麵包，形成先脆後軟的效果，再點埋鍊奶食，冇得頂！必食！