肚餓了串燒烤焗專門店 (已結業)

今日係放新年假期之後，第一日開工，放工後後約埋嗰同事一齊去咗位於尖沙咀亞士厘道嘅肚餓了烤焗串燒專門店，因該店地方不大，但裝修得幾特別，有啲舊嘅電影海報，好有懷舊氣氛，餐牌上都有好多選擇，同事點咗 柚子雞翼、鹽燒牛舌、燒黑豚肉 、蒜蓉燒虎蝦、 芝士扇貝、原條鰻魚 、珍寶帆立貝，金黃醬廣島蠔，飲品要咗可樂，先來嘅係雞翼，燒得香脆但肉汁可以保持到，配埋嗰柚子汁，特別好食，鹽燒牛舌，因為落咗啲支炎粉味道都O K，但牛舌切得好大舊，好有質感，虎蝦都好大隻，好又有鮮味，芝士扇貝，芝士味濃，但扇貝嘅鮮味重係到，金黃醬廣島蠔，蠔味濃郁，最正係條鰻魚，極肥美，加埋嗰鰻魚汁，真係冇得頂，兩個人一路食一路吹水，不經意都夜深，因明天返早，所以要早啲走人。