創意廚房 (已結業)

有晚想食肉燥飯，就去左ＯＰＥＮＲＩＣＥ到睇下有咩好推介見到創意廚房呢個網咁搞鬼，就入左去睇睇。見到有唔少人都大讚老闆有創意就決定去試試。我試左個肉燥雞翼飯，配蜜桃茶。朋友就試左個豬扒飽先講個肉燥飯，個汁真係好濃，好好味。有Ｄ鋪頭個汁都唔係汁黎，得Ｄ肉碎，好乾好乾。但呢間就唔同啦，份量岩岩好，一路食整個飯都有汁送飯。本人好鍾意汁撈飯，所以肉燥份量我比十粒星。而雞翼都非常入味，有兩隻～！朋友食個個豬扒飽呢，大概有成隻手掌咁大喇。豬扒唔係薄過紙嫁，有良心。　朋友食個陣都話正啊，佢話鍾意個扒唔會好硬喎。一路食都有Ｄ熟客仔叫老闆整Ｄ勁野佢飲，任老闆發揮創意。佢真係創意無限嫁！個客人淨係話今日唔想飲太苦味，老闆就發揮佢小宇宙，為客人調整飲品。最緊要係咩啊？呢個服務係免費嫁！　有邊間特別調配既飲品係唔洗加錢？全港可能就係得呢間啦。入面真係見到老闆好用心，希望大家去食個陣欣賞下老闆既創意啦！