潤一潤甜品屋

營業中

休息中

入門口果下個哥哥仔游離嘅眼神，再加上有少少時代感嘅menu，我已經知道我用38蚊買嘅唔係單純嘅一碗紅豆豆花牛奶芋圓，而係一個體驗。如果櫻花落下嘅速度係每秒五釐米，似乎咬完一嚿芋圓之後塊花瓣仲係度飄緊。但係飄緊嘅點只櫻花，幾粒湯圓係我畢咗幾下之後陸續浮面，好似苦海孤稚咁向我求救。而佢搵緊嘅，正正係底下果幾片有薑味嘅番薯: 食埋哩嚿，我就知道嗰哥仔拆散咗一碗加咗湯圓，本身好好地嘅番薯糖水。我流咗幾滴眼淚，再將食咗兩嚿芋圓，佢地纖細嘅身形，係我嘅齒縫間穿插，襯托住我內心嘅空虛。再加果一大堆係底嘅嘅紅豆沙，我就好似見到佢地嘅前世今生:佢地出身於一個可憐嘅家庭。 紅豆沙生完兩粒芋圓之後，同碗番薯糖水(加湯圓)離婚，但係番薯ching 係個負心漢，留返三粒比佢湊，自己再得閒返嚟黐下餐。可惜嘅係，紅豆沙之後識嘅牛奶都唔係好野嚟，同芝麻糊翻雲覆雨之後先過嚟，成身黑晒先過嚟搵佢，話紅豆沙係佢嘅一身最愛。而果幾粒芋圓，就慢慢瘦落嚟，係社署嚟接佢之前，最後死凈幾個兄弟，流入我個碗入面。食完哩碗野，我有啲內疚，但係如果要為哩碗芋圓加一限期，我會話，係一萬年。咁嘅體驗，除咗潤一潤，我諗只有出身於新北先幫到你。