我食招牌菠蘿包，瑞士雞亦出前一丁，茶走。。。平時最怕嗰舊鮮油，呢度舊牛油唔太厚，啱啱好！菠蘿包100分！外脆內軟、暖暖地，裡面啲蕃茄旦嘅旦炒得好滑！真係好好食！ 出前一丁100分！煮得夠透得嚟唔會太腍！茶走夠滑，茶偏濃唔會搶晒啲奶味，85分
佢食咸牛肉芝士旦多士，加一份豬扒，茶走
多士90分，咸牛肉好足料，芝士旦爆漿，豬扒腍又入夠入味，魚餅又香又好食！瑞士雞亦好入味肉冇梅！
食到7788，研究吓點搭車返出元朗，華嫂坐喺隔離枱吹水，聽到就好好咁教我哋搭輕鐵、巴士過元朗，仲教我哋，如果想知有冇開，呢度冇電話，可以打電話去觀塘問吓元朗有冇開先過嚟！極好人！
