The Point - Pizza & Pasta (將軍澳中心) (已結業)

閒日想食好少少，就嚟咗呢度食pizza。餐廳環境好舒服，可以輕輕鬆鬆咁食餐飯。軟殻蟹.烤甜椒.水波蛋沙律軟殻蟹極香脆！炸皮好薄！肉身好多汁！醬汁酸甜，配上溫泉蛋，口感就更豐富～蔬菜好新鮮爽口，甜椒可以多啲。烤煙燻水牛芝士配意大利三角薄餅芝士控必叫！又rich又拉絲既芝士，配上意大利薄餅！點可以拒絕呢？不過真係要趁熱食，因為凍左啲芝士就冇咁拉絲丫！Pizza 今次試吓新意思！中西合璧估唔到都咁有驚喜慢煮鴨胸，意大利藍芝士，焦糖洋蔥、合桃薄餅鴨胸充滿肉汁，唔會乾身藍芝士配上其他芝士，味道唔會太搶，一般人應該都接受到， 又更可以帶出鴨肉嘅蘇味！好match!焦糖洋蔥，仲食到少少蘇梅醬，非常出色！蟹肉白酒叼草紅胡椒天使麵蟹肉一絲絲，非常鮮甜，口感亦與天使麵相近。一粒粒嘅紅胡椒，令到整個意粉更加惹味！天使麵收汁收得啱啱好，真係好好食。大家可以直接做埋會員！因為真係有好多優惠。