順流冰室 (已結業)

放工落港島同老公meet up，一齊食飯飯。經過呢間餐廳，門面光鮮，睇完晚餐餐牌幾吸引，就決定將今晚餐飯嘅幸福交俾呢度。有話跟餐中湯係無落味精，等我大大啖飲落去，然後我放低咗碗嘢冇再掂過。點會無…椒鹽豬扒好「梅」，落得太多鬆肉粉定唔新鮮…而且好咸，我同我老公完全唔想食。再試埋醬爆茄子豆腐火腩，睇個名就覺得惹味，點知仲伏，火腩冇味，茄子冇味，豆腐更加唔會有味，得個汁有啲味，偏甜㗎嘛，甜咸比例錯晒。而且個汁過度勾芡，食落有少少鼻涕嘅感覺 我老公食到面都「meh」埋。