影片
更多
2010-06-22
49 瀏覽
我本身是海港的 “粉絲”，每星期總有一次同同事到上水中心海港飲茶，因為食物水準一流，價錢實惠，食埋燒鵝、點心再叫多個午市套餐，最豪都只是每人$40！上次飲茶仲送乳豬劵，於是我就同爺爺、爸爸及細佬去大埔新達廣場的海港食父親節飯，不過換來一肚氣！我知道星期日正日一定多人，所以我訂咗星期一晚上七點半，我七點三到咗，喺門口等咗大約十分鐘，入座是約七點廿五分。當時我已覺得d位好逼狹，而且是坐在火鍋枱那一邊，又近出菜位，對個位置已經有d唔滿意，但因為真係全場爆滿，我們只好坐這張枱。一入座，已經有位服務生推介我叫龍dun兩食 (翠綠炒球及清蒸頭腩$268)，話只剩下兩份，於是我叫她留一份俾我，其餘食物等我爺爺及細佬到齊才叫。好啦等齊人啦！我搵位阿姐 (好似叫阿雲)來寫餸，我叫咗半隻燒鵝 ($110)、芝士龍蝦烏冬($78)、同埋乳豬例牌 (免費 )加埋之前留咗嘅龍dun。點知個阿姐真係只寫d餸喺張卡度，但係無入電腦單囉！我見等咗廿分鐘都未有食物，而我又對住個出菜門口見到明明有很多龍蝦呀燒鵝呀乳豬呀係咁出喎！咁我就叫個主任紅姐問吓點解我d食物未囄？佢先晃然大悟咁入電腦單！隔咗約五分鐘端出一碟只有十件瘦
我知道星期日正日一定多人，所以我訂咗星期一晚上七點半，我七點三到咗，喺門口等咗大約十分鐘，入座是約七點廿五分。當時我已覺得d位好逼狹，而且是坐在火鍋枱那一邊，又近出菜位，對個位置已經有d唔滿意，但因為真係全場爆滿，我們只好坐這張枱。一入座，已經有位服務生推介我叫龍dun兩食 (翠綠炒球及清蒸頭腩$268)，話只剩下兩份，於是我叫她留一份俾我，其餘食物等我爺爺及細佬到齊才叫。好啦等齊人啦！我搵位阿姐 (好似叫阿雲)來寫餸，我叫咗半隻燒鵝 ($110)、芝士龍蝦烏冬($78)、同埋乳豬例牌 (免費 )加埋之前留咗嘅龍dun。
點知個阿姐真係只寫d餸喺張卡度，但係無入電腦單囉！我見等咗廿分鐘都未有食物，而我又對住個出菜門口見到明明有很多龍蝦呀燒鵝呀乳豬呀係咁出喎！咁我就叫個主任紅姐問吓點解我d食物未囄？佢先晃然大悟咁入電腦單！隔咗約五分鐘端出一碟只有十件瘦瘦的乳豬 (因為賣相不濟，所以我沒有拍下相片，總之係唔好食，好似食剩的 “下欄嘢” )；之後就端來清蒸頭腩，頭腩數量真係少得可憐，每人大約有兩細件啦！依個係龍dun兩食之一咋喎！之後另一食炒球去咗邊呢？於是我再問紅姐，順便再問埋佢，我叫阿雲寫咗半隻燒鵝同芝士龍蝦烏冬都未到喎！佢又再一次晃然大悟咁講：「乜你有叫到半隻燒鵝同芝士龍蝦烏冬咩？」咁佢就再入電腦單！唉……我隔囄張枱同我一齊入囄食，佢哋九點食完走人，入另一張火鍋枱啦！我哋都未食第三碟餸！隔咗十分鐘又端來半隻瘦瘦的鵝！好老好un！坦白講，我覺得上水中心間海港的鵝係90分，新達間海港係45分！之後重覆又重覆咁問阿紅姐d餸仲未囄喎！(我諗我重覆咗廿次！) 吹到連紅姐都覺得唔好意思，要送碗紅豆沙糖水俾我哋！之後食龍dun另一食翠綠炒球 (都係份量少囉) 同埋龍蝦烏冬(龍蝦係未熟嘅)，真係食到無晒心機！埋單係十點！咁嘅時間去飲都散席啦！仲要係四個人食咗$539，我去稻x食肯定唔駛咁嘅價錢！最嬲係等食等到發忟憎囉！
這個經驗真係好差，我唔明點解幫我寫單個阿雲真係好似成舊雲咁！寫單唔入單？廚房又出菜慢！唯一抵讚係主任紅姐，佢真係好落力咁幫我吹廚房快d上菜！不過剩係得一個醒目員工係頂唔住十個蠢嘅員工嘅！
總結係：無下次！
張貼