Buttery Factory (已結業)

冬甩個爸爸~冬甩個爸爸~~😂😂普通冬甩大家見得多，有冇食過新奇又有創意嘅冬甩呢🍩話說呢間舖仔細細，每款冬甩都好靚好得意😍😍冬甩上面加個蛋撻，呢個係咩構思😂😂💰HKD28店主姐姐好好人☺️即場食的話佢會幫你整熱個冬甩，然後會落好多焦糖醬喺上面，未食已經勁香❤️食落個冬甩又熱又香，包尚算鬆軟，蛋撻其實焦糖燉蛋黎，雖然比較易散，但仍然好香蛋味嫁🐣嗚嗚嗚🙈我掛住食都影唔到張靚相🙈呢個冬甩都幾大個😂食完勁飽，而且都有少少漏，亦可能係因為食完Him一號二奶嘅朱古力蛋糕😛下次再去試其他靚靚冬甩❤️中意冬甩嘅朋友快啲去試下啦！