魚鮮生刺身專門店 (已結業)

經嘴匀朋友介紹的日本刺身店，不過唔係成日會出嚟銅鑼灣，近排見時代廣場有做折扣，所以就順便過去食，基於疫情關係，我同我朋友都係選擇拎返屋企食。我相信對於刺身店來講，都係一大考驗，唔知道可以拎返屋企嘅時候仲可唔可以keep住新鮮。我哋每人各要咗一個定食。收到時見到佢哋都有準備冰放入外賣盒上。極上壽司定食。有我最愛的海膽，同帆立貝😍 十分足料的海膽，睇落細細件，但足足有10幾片小片，清甜👍 帆立貝好厚肉，我哋要分開兩啖食，加少少芥末更加帶到個鮮味😂個大赤蝦有驚喜，依家去啲壽司店，食落口都係凍冰冰的，雪藏味，但係呢度嘅蝦肉質係比較棉，而且冇冰鮮感。鮮活赤珍味丼。大赤貝當然係主角，色澤不錯，咬口彈牙，食完一件想食第二件🤤🤤三文魚籽大大粒，加埋啲海膽同帶子夾住齊食，係人生一大享受😍配菜見到係蒜頭我唔打算食，係朋友嘅慫恿下試食，食落去冇乜蒜頭味，而且仲好爽脆，甜甜地辣辣地，結果係食晒的😂