定食 Doraya (駱克道)

營業中

休息中

自從某君帶過我食呢間刺身飯店，呢度就變成我既食堂。每次想食日本野，呢度就成為必然選擇，短短數月間都食左成四五次。一直難忘係築地食到既大拖羅，亦即係吞拿魚大腩，雖然係香港始終都食唔到咁新鮮，但Doraya既拖羅，什至其他刺身，亦十分不錯。次次食都係尖沙咀店，銅鑼灣店比較細，較難排到隊。想食，但大排長龍，直到有日平日既中午時段，終於一試。原來兩間既餐牌都有少少分別，lunch time亦有提供lunch menu。二話不說，即刻要左一個藍鰭吞拿大腩小丼，配冷稻庭烏冬($128)。吞拿魚大腩繼續係入口即溶，可見油脂肥美。值得一提係呢度既壽司飯，亦都好好食，軟硬度適中，飯香帶點甜味，醋味唔會過重。稻庭烏冬亦夠彈牙，玉子就正常水準，唔會過老。第一次寫呢間餐廳，其實老早成為左長期飯堂。真心推介呢度既刺身，價錢當然唔可以話好平，不過食物既質素，係香港黎講，絕對值回票價。