朱敏記桑拿菜 (已結業)

今晚2個人想麻甩啲食大排檔😝2個人嗌咗3個餸食再加支啤酒，飽到呢!!!紅蔥頭雞有成半隻雞㗎!雞都算肥美，啲皮好黃👍🏼好正呀！雞肉好嫩啱啱好熟!!點啲豉油食，好味道！佢上面嘅配料令到個雞有多咗味道，無咁單調！唔錯~~豬油渣炒椰菜苗好少有！竟然有豬油渣食😚成個菜炒到好香，而且比一般都更易入口👍🏼個菜都好翠綠炒到！份量十足！白切咸鴨有啲潮洲風味！好特別!!啲鴨唔算好肥👍🏼健康！今晚勁豐富!!!又雞又鴨！點啤酒配一流！