影片
更多
2019-07-24
2193 瀏覽
無奈的經歷已經好耐冇寫食評，今次迫不得已！上星期日，有朋友生日就揀咗依間brunch menu睇落都唔錯嘅餐廳，又有海景咁。話說一行五人，但係因為我食左野遲join，佢地四個嗌咗四個brunch set；其中三個係有選擇侍應同我地「即日送到餐廳嘅新鮮蠔」，仲有嗌beef tartare。好啦，咁我哋照食都冇乜嘢，當日服務正正常常冇乜特別咁啦。承惠 $1800/4個人。跟住惡！夢！黎！啦！食完之後，其中有一個朋友下晝4點左右開始覺得個肚好唔舒服。當日已經搞肚痛，屙左好多次，而佢8點左右食左粒止屙藥。另外一個朋友當日下晝都係不停肚屙，凌晨12點發燒，凌晨去咗急症室，食物中毒。而生日個位，當晚夜晚開始肚餓，第二朝即刻去醫院，發高燒，肚屙，證實食物中毒！好傷心生日要入醫院，到今日（星期三）佢仲係發緊高燒㗎！我哋星期一朝頭早打過去了解下，順便提醒佢食物有問題。佢話會搵經理call back⋯去到下晝一路都冇人打過俾我哋，咁再打去follow up吓啦，都係等⋯⋯最終同到個經理溝通，由始至終我哋都冇諗住要去陪返嗰日嘅飯錢，因為都無意思！佢竟然同我地咁講野（以下translated from Eng
已經好耐冇寫食評，今次迫不得已！
上星期日，有朋友生日就揀咗依間brunch menu睇落都唔錯嘅餐廳，又有海景咁。
話說一行五人，但係因為我食左野遲join，佢地四個嗌咗四個brunch set；其中三個係有選擇侍應同我地「即日送到餐廳嘅新鮮蠔」，仲有嗌beef tartare。
好啦，咁我哋照食都冇乜嘢，當日服務正正常常冇乜特別咁啦。承惠 $1800/4個人。
跟住惡！夢！黎！啦！
食完之後，其中有一個朋友下晝4點左右開始覺得個肚好唔舒服。當日已經搞肚痛，屙左好多次，而佢8點左右食左粒止屙藥。
另外一個朋友當日下晝都係不停肚屙，凌晨12點發燒，凌晨去咗急症室，食物中毒。
而生日個位，當晚夜晚開始肚餓，第二朝即刻去醫院，發高燒，肚屙，證實食物中毒！
好傷心生日要入醫院，到今日（星期三）佢仲係發緊高燒㗎！
我哋星期一朝頭早打過去了解下，順便提醒佢食物有問題。佢話會搵經理call back⋯去到下晝一路都冇人打過俾我哋，咁再打去follow up吓啦，都係等⋯⋯
最終同到個經理溝通，由始至終我哋都冇諗住要去陪返嗰日嘅飯錢，因為都無意思！佢竟然同我地咁講野（以下translated from English conversation ）
「成間餐廳當日星期日大部份都有點蠔，點解剩係得你呢台出事呢？」
「講到最後你地咪又係想要錢」（嘩、依句難聽過粗口；exact phrase: “Oh, All you want is money, HA! HA! HA!” 無錯呀，佢有笑，笑聲燦爛）
佢哋明唔明事態嘅嚴重性，好地地食生日飯，變成食物中毒入醫院，三日返唔到工，到而家都未好返。
惡劣嘅態度令到事件惡化，發酵至今，我哋已經報咗食物環境衛生署跟進。
最無奈嘅事情繼續發生，佢餐廳經理竟然今日打返俾我哋deliver左咁嘅message：
「你哋而家報咗衛生署，你哋一蚊都唔使止以我地會compensate！」
喂，由始至終無問過
食到食物中毒，不負責任，態度惡劣嘅餐廳。
一定唔會再黎！
食到食物中毒嘅蠔啊
40 瀏覽
0 讚好
0 留言
食到人食物中毒嘅蠔呀
張貼
