常嚐食•深燒堂 (已結業)

放工過嚟搵食，試左呢間門面比較低調嘅串燒店，只想講 好味到不行了！串燒超級地道，我以為自己返左四川/蒙古！串燒火喉燒得啱啱好，所以好juicy ,一啲都唔乾！上上級水準！調味調超級香！濃烈嘅孜然味😋不過小辣已經好辣了！燒牛舌既厚身又淋，又juicy 大大塊超讚的！燒韭菜好嫩，燒菠蘿新鮮多汁。除咗串燒之外，呢度主打食花甲粉。可以揀麻辣度，揀邊一款麪，再揀自己喜歡嘅配菜。花甲粉湯好鮮甜亦好足料，有差不多十隻中型花甲，厚身嘅肉，爽甜！再配上麻辣嘅香味真係食唔停口！