影片
更多
2015-04-10
1163 瀏覽
本來開開心心同朋友星期五晚去食個雞煲，但係就嬲住走 完全破壞左成個心情，仲要激到我特登開account 要黎打食評從open rice search 雞煲見到尼間都幾多正評 就同兩個朋友黎試下啦。坐低之後 我地三個人就叫左個二人餐。雞煲黎左之後 我同友人都覺得點解甘小雞既呢，甘就叫個員工黎問下啦，佢就話尼個係4分1隻雞黎既，然後我就問點解張紙無寫既？佢就話二人份係等於1/4隻雞。甘我就問佢點解唔寫清楚d, 二人份係好難介定 而且落單個時大無同我地講聲，之後佢就話二人餐係for返兩個人 你地三個人就唔好叫二人餐，當下已經覺得好嬲 你唔同我講我點知？個餐牌乜都無寫。成個過程同我地爭論左15分鐘，仲話酒樓d例牌都無講幾多架啦，甘你又叫？甘我地二人分都係同一道理。我同友人個個moment 已經怒火中燒，本身諗住問下有幾大隻雞 唔夠就加返，即刻乜都無叫，想快d離開。從來未去過一間餐廳甚至一間店舖員工會甘樣串客人。成個過程仲要非常無禮貌，個下已經無晒胃口 好想即刻走。雞煲我地叫小spicy 但係無味既，蝦滑係一d都唔滑同唔彈牙 d野又細份 同埋唔好食。 本身已經食到背脊骨落，成肚氣。成個煲都係洋蔥
本來開開心心同朋友星期五晚去食個雞煲，但係就嬲住走 完全破壞左成個心情，仲要激到我特登開account 要黎打食評
從open rice search 雞煲見到尼間都幾多正評 就同兩個朋友黎試下啦。坐低之後 我地三個人就叫左個二人餐。雞煲黎左之後 我同友人都覺得點解甘小雞既呢，甘就叫個員工黎問下啦，佢就話尼個係4分1隻雞黎既，然後我就問點解張紙無寫既？佢就話二人份係等於1/4隻雞。甘我就問佢點解唔寫清楚d, 二人份係好難介定 而且落單個時大無同我地講聲，之後佢就話二人餐係for返兩個人 你地三個人就唔好叫二人餐，當下已經覺得好嬲 你唔同我講我點知？個餐牌乜都無寫。成個
過程同我地爭論左15分鐘，仲話酒樓d例牌都無講幾多架啦，甘你又叫？甘我地二人分都係同一道理。我同友人個個moment 已經怒火中燒，本身諗住問下有幾大隻雞 唔夠就加返，即刻乜都無叫，想快d離開。從來未去過一間餐廳甚至一間店舖員工會甘樣串客人。成個過程仲要非常無禮貌，個下已經無晒胃口 好想即刻走。
雞煲我地叫小spicy 但係無味既，蝦滑係一d都唔滑同唔彈牙 d野又細份 同埋唔好食。
本身已經食到背脊骨落，成肚氣。
成個煲都係洋蔥 雞應該係得幾舊
張單黎既時候簡直係仲嬲d, 佢有收前菜 醬油費 加埋都成60蚊 但佢係無講同埋無寫係menu 起碼都問一問客人要唔要 唔要可要唔收 唔係每個人食雞煲都會醬油 仲要夾硬迫人要 我覺得成間野你都係呃人錢既感覺 d額外費用寫得唔清唔楚 尼個價錢我可以食d好多質素好好多既火鍋店。我真係第一次係激氣到要申請account 黎寫食評 真心250蚊我完全唔覺得食過d乜 任食雞煲都比佢好食 絕對唔會再去第二次🙅🙅🙅🙅🙅🙅
張貼
