影片
更多
2022-08-21
5969 瀏覽
好耐無食自助餐，今日去左仕德福酒店入面既德福閣食個自助午餐，價錢唔貴又實夠食飽，星期日價錢每位$258。搭lift去德福閣要按M字，一出門口就見到一張長長既餐枱。是日全場滿座，好多人！生蠔首先每人包四隻生蠔，生蠔都頗大隻，食落肉質實在，啖啖肉，滿滿海水鹹味，係好正既前菜。餐枱有：一) 凍海鮮刺身有4款，分別係鯖魚，立魚，希靈魚，八爪魚。試左希靈魚同立魚都正常。壽司有少量三文魚，熟蝦，墨魚，甜蛋，加州卷，紫菜卷。凍海鮮有凍中蝦同加拿大青口。凍中蝦都好唔錯，值得encore。仲有日式冷麵。二）沙律沙律吧有鮮青瓜片，車厘茄，菠蘿粒，粟米粒，紅腰豆，紅菜頭同雜法國生菜。今次有紅菜頭，好甜。三）冷盤冷盤有中華沙律，涼拌鮮腐竹，大豆芽，枝豆伴胡麻醬汁。涼拌鮮腐竹都幾好食。大豆芽好酸辣，似泡菜。枝豆伴胡麻醬汁都正常。日式雜錦小食有三款，分別係蓮藕片，竹筍同螺肉。仲有雜凍肉，煙鴨胸，海南鮮雞都算可以。 四）熱盤熱盤有鹹菜豬肚，咖哩牛腩，冬菇蝦米肉絲冬瓜環，泰式燒雞扒，五柳魚塊，清炒時蔬，冬陰功煮青口，香蒜薑蓉海鮮炒飯，上海小籠包，炸魚伴暑角。最好食係炸魚（皮脆而入面的確有魚肉，好香口），五柳魚塊（皮唔
搭lift去德福閣要按M字，一出門口就見到一張長長既餐枱。是日全場滿座，好多人！
生蠔
62 瀏覽
2 讚好
0 留言
首先每人包四隻生蠔，生蠔都頗大隻，食落肉質實在，啖啖肉，滿滿海水鹹味，係好正既前菜。
餐枱有：
一) 凍海鮮
刺身有4款，分別係鯖魚，立魚，希靈魚，八爪魚。試左希靈魚同立魚都正常。
壽司有少量三文魚，熟蝦，墨魚，甜蛋，加州卷，紫菜卷。
凍中蝦
30 瀏覽
0 讚好
0 留言
仲有日式冷麵。
二）沙律
沙律吧有鮮青瓜片，車厘茄，菠蘿粒，粟米粒，紅腰豆，紅菜頭同雜法國生菜。今次有紅菜頭，好甜。
三）冷盤
冷盤有中華沙律，涼拌鮮腐竹，大豆芽，枝豆伴胡麻醬汁。涼拌鮮腐竹都幾好食。大豆芽好酸辣，似泡菜。枝豆伴胡麻醬汁都正常。日式雜錦小食有三款，分別係蓮藕片，竹筍同螺肉。仲有雜凍肉，煙鴨胸，海南鮮雞都算可以。 
四）熱盤
熱盤有鹹菜豬肚，咖哩牛腩，冬菇蝦米肉絲冬瓜環，泰式燒雞扒，
五柳魚塊，清炒時蔬
41 瀏覽
0 讚好
0 留言
五柳魚塊，清炒時蔬，冬陰功煮青口，香蒜薑蓉海鮮炒飯，
上海小籠包，炸魚伴暑角。
最好食係炸魚（皮脆而入面的確有魚肉，好香口），五柳魚塊（皮唔算厚，肉質都好嫩）。上海小籠包皮稍厚，不過肉好鮮。泰式燒雞扒個甜醬好味，大大塊啖啖肉。
另外有香草燒豬柳，好瘦。
日式海鮮烏冬檔有張紙仔比你自己揀鍾意食既配料，包括名門卷，粟米，蟹柳，蝦，帆立貝，海帶。
湯有兩款，一中一西。麵包唔係附近，要去熱盤附近攞。西湯係羅宋湯，材料都正常。
五）甜品
中式甜品係燒仙草涼粉。
西式蛋糕有黑森林蛋糕，椰絲餅，雜果啫喱，特色大菜糕，香芒布甸（雖然好似無果肉，不過味道都唔錯），蘋果金寶，芝士撻，紅豆芝麻球（煙煙韌韌，外面滿佈白芝麻粒，入面既紅豆餡足夠，呢個正。我一個人食咗好多粒）。
朱古力噴泉配料有棉花糖，紅提子，同哈蜜瓜。
水果有西瓜，哈蜜瓜，同菠蘿。西瓜又厚切又甜。哈蜜瓜都唔錯。
即製鮮果班戟由1點開始。配料有香蕉，提子乾，雜果，柚子，杏仁片，同忌廉。識食一定係加雪糕一齊食，熱辣辣同軟淋淋既班戟加埋冰凍融緊既雪糕同埋杏仁片同時放入口，超正！
隔離有個雪櫃，雪櫃入面有大大件泡芙，有多款口味，包括草莓味，綠茶，朱古力等都有。仲有椰汁紅腰豆糕（都唔錯，紅豆味濃），杞子桂花糕，香蕉冰卷同日式和菓子。
雪糕係CocoBerry，有菠蘿椰子，咖啡，少量朱古力同後期既冲繩海鹽，鹹鹹地都幾好食，加埋d自己喺班戟站攞既香脆杏仁片，又脆又滑。另外都有雪米糍，有荔枝同後期既芒果味道。
熱香餅無試到。
六）自助飲品
自助飲品有維他命水，蘋果汁同咖啡機（有茶，奶同朱古力）。
食物方面唔係貴價野，選擇唔多，不過都夠食飽，有沙律有菜又有生果。晚餐絕對唔洗食。
張貼
