影片
更多
2015-11-29
1398 瀏覽
近年已經好少去旺角，因為實在太多人，隨時迫到發老脾。今日為我家小妹慶祝生日，佢話想食韓燒，又睇中新麻蒲既爐邊芝士，咁就破例一次啦。新麻蒲位於旺角銀行中心，一出地鐵站就係，減輕左好多痛苦。餐廳地方好大，周日中午黎到，只係一兩成滿。鬈毛氏五姊妹黎到，叫左一個牛豬肉套餐2($678)，有霜降牛肉、五花肉、護心肉、什錦拼盤(年糕、蘑菇、香腸、蝦)、火炙霜降牛肉壽司。爐邊的泡菜雞蛋漿係送既，阿妹另加左爐邊芝士($58)。究竟咩係護心肉呢？餐牌入面有介紹，原來佢係橫隔膜同肝中間既部分，不含脂肪同飽和脂肪酸，屬低熱量食物。沙律同配料先送黎，全部都可以免費添加，不另收費。沙律個芝麻汁(我估係咋)同平時食開既唔同，唔係淺啡色而係灰色，而且好似芝麻糊咁有點點黑色，酸酸甜甜，但呢個造型得唔到所有鬈毛族歡心，阿四食完一細碗就唔願意再食；咁其實蔬菜係幾新鮮既，有生菜、番茄等等，幾爽脆我接受。火炙霜降牛肉壽司，牛肉非常OK，燒到剛熟，肉質鮮嫰，但可惜D飯有生米，有少少硬硬地，至憎，即刻大打折扣。跟住主食黎啦，用下午茶三層架擺放，好靚。店員細心向我地解說，話呢度有兩款烤盤，第一種係網盤，係俾較少油既肉類；第二種係烤
新麻蒲位於旺角銀行中心，一出地鐵站就係，減輕左好多痛苦。餐廳地方好大，周日中午黎到，只係一兩成滿。
鬈毛氏五姊妹黎到，叫左一個牛豬肉套餐2($678)，有霜降牛肉、五花肉、護心肉、什錦拼盤(年糕、蘑菇、香腸、蝦)、火炙霜降牛肉壽司。爐邊的泡菜雞蛋漿係送既，阿妹另加左爐邊芝士($58)。究竟咩係護心肉呢？餐牌入面有介紹，原來佢係橫隔膜同肝中間既部分，不含脂肪同飽和脂肪酸，屬低熱量食物。
沙律同配料先送黎，全部都可以免費添加，不另收費。沙律個芝麻汁(我估係咋)同平時食開既唔同，唔係淺啡色而係灰色，而且好似芝麻糊咁有點點黑色，酸酸甜甜，但呢個造型得唔到所有鬈毛族歡心，阿四食完一細碗就唔願意再食；咁其實蔬菜係幾新鮮既，有生菜、番茄等等，幾爽脆我接受。
火炙霜降牛肉壽司，牛肉非常OK，燒到剛熟，肉質鮮嫰，但可惜D飯有生米，有少少硬硬地，至憎，即刻大打折扣。
跟住主食黎啦，用下午茶三層架擺放，好靚。店員細心向我地解說，話呢度有兩款烤盤，第一種係網盤，係俾較少油既肉類；第二種係烤盤，係用黎燒多油既肉類，我地點個餐，除左五花肉要用烤盤之外，其他都用網盤。
霜降牛肉、護心肉，肉腍無渣，點埋餐廳提供既辣椒醋黎食，好味。側邊既泡菜蛋，我食唔到好重泡菜味，不過蛋幾滑，都唔錯。
五花肉，見到佢層脂肪雖然幾得人驚，但包住生菜黎食，竟然一D油膩感都無，而且脂肪部分幾爽口，正斗。不過我想講下側邊既芝士，真係搞到我地好狼狽。因為佢燒熟左之後，需要即刻畢出黎食，否則會燶，而唔係好似我地想像咁，可以俾你一邊燒肉，一邊點黎食。咁問題黎勒，當芝士一溶晒，就要趕住食，而且佢仲會好快凍左凝固，要一舊一舊咁隊，都咪話唔漏。我個人建議，呢個價值$58既芝士，唔係咁抵食，亦唔係好好食，可以唔點。
飲品方面，多數係酒精飲品，如果唔飲酒呢，就只有汽水揀。我地分別點左覆盆子紅醋汽水($28)、酸梅汽水($28)，但無論叫乜，其實都係一樣，因為完全飲唔到覆盆子、紅醋或酸梅味，總之就係甜既汽水。呢一餐，連加一食左$963，仲要請埋小妹，真係肉都赤埋。
張貼
