爆汗串串 (已結業)

天氣開始轉冷，想食啲辣野暖下個胃，刺激下。見到呢間有麻辣野，仲有一串串套餐食，好似又幾正！餐廳裝修好新穎，牆身都係漫畫公仔，顏色鮮豔！有午餐套餐:爆汗牛肉麵💦叫左麻辣湯底，薯粉。個人唔食得太辣，所以叫左少辣。辣味岩哂我！🌶辣得夠哂香。落左好夠蔥花，食落更惹味！幾鐘意個湯底。味道好濃味，薯粉索哂個湯，好正！食落好煙韌。而呢度既牛肉都好好味，唔係普通既牛肉。食落幾嫩，口感似食緊蒙古牛肉粒咁，好香！蕃茄牛肉麵，豬骨湯底。加 肥腸。湯底豬骨味濃，加埋蕃茄味，幾鮮甜。肥腸 好肥美，同都洗得乾淨，無腥味。串串香：叫左15串，可以選5款！每款有3串，share 黎食岩哂！個辣就只得一個辣度，如果怕辣可以叫碟”香油碟”.可以解辣，食落好香麻油味。叫左窩荀，雞軟骨，花枝丸，魷魚，肥腸🍢一串串食又幾惹味！最後仲叫左碗甜品:冰粉 食落好清甜，食左咁多辣野，食呢個就岩哂。味道唔會太甜，仲有啲米通食下，口感特別。