影片
更多
2021-09-21
40 瀏覽
雞煲、打邊爐、串燒係香港人的最愛，好多地方都有，但係唔限時間的真係少之又少，任飲任食唔限時真係要好大方先做到，小店的溫情晌依度可以搵到！所以今次一定要大力推介比朋友，提提各位一定要訂枱，因為閒日去食未夠7點已經滿座了，實在太誇張！點咗$198的放題套餐，每人可以一次性選擇四款串燒，我同朋友每人選不同的種類，必食香草羊架，燒生蠔和雞泡魚乾，仲有燒菠蘿，好滋味！麻辣雞煲會首先上枱，如果唔食辣可以同店員改唔辣，一上枱麻辣味四溢，滾起咗更香，雞隻比較細隻，所以雞肉好入味同唔會鞋身，醬汁好味道，餸飯一流！食完店員會問想揀邊種火鍋湯底，我揀咗花膠雞濃湯，湯窩會有花膠、紅棗和蟲草花，另外有一本點餐簿自選火鍋配料，種類唔算太多，基本嘢都有，特別推薦廚師發辦靚牛肉、西班牙豬梅片、鴨血、廣島蠔，廣島蠔大大隻，牛肉亦新鮮，食咗雞煲和串燒都飽左5-6成，所以火鍋配料都唔係叫得好多，唔想眼闊肚窄浪費食物！飲品方面都好多選擇，有可樂、雪碧等汽水外，仲有道地的紙包茶，打邊爐都可以消下滯，好滿足！港式放題甜品就欠奉啦，下次約多幾個朋友可以去埋大圍食糖水添！
所以今次一定要大力推介比朋友，提提各位一定要訂枱，因為閒日去食未夠7點已經滿座了，實在太誇張！
點咗$198的放題套餐，每人可以一次性選擇四款串燒，我同朋友每人選不同的種類，必食香草羊架，燒生蠔和雞泡魚乾，仲有燒菠蘿，好滋味！
麻辣雞煲會首先上枱，如果唔食辣可以同店員改唔辣，一上枱麻辣味四溢，滾起咗更香，雞隻比較細隻，所以雞肉好入味同唔會鞋身，醬汁好味道，餸飯一流！
食完店員會問想揀邊種火鍋湯底，我揀咗花膠雞濃湯，湯窩會有花膠、紅棗和蟲草花，另外有一本點餐簿自選火鍋配料，種類唔算太多，基本嘢都有，特別推薦廚師發辦靚牛肉、西班牙豬梅片、鴨血、廣島蠔，廣島蠔大大隻，牛肉亦新鮮，食咗雞煲和串燒都飽左5-6成，所以火鍋配料都唔係叫得好多，唔想眼闊肚窄浪費食物！
飲品方面都好多選擇，有可樂、雪碧等汽水外，仲有道地的紙包茶，打邊爐都可以消下滯，好滿足！港式放題甜品就欠奉啦，下次約多幾個朋友可以去埋大圍食糖水添！
張貼
