影片
更多
2018-07-10
22 瀏覽
一班人食咩好？梗係打邊爐啦。今日行開尖沙咀，經過添咸道見到有張海報寫住「阿肥火窩」，位於嘉芙大廈地庫，要行樓梯落去，好奇係點樣嘅一間火窩店就行落去試下。首先吸引我眼球的是地上鑲了麻將，港式味濃。莆打開門便看見一個個「攤檔」，寫著：四哥蔬菜、輝記士多等，天花吊下來的燈用的是街市的紅色燈罩，充滿港式情懷。店內設有兩間房讓客人飯聚。門外有鐵閘，設計得就像屋邨一樣，很有親切感。除左裝修擺設充滿港式懷舊風外，播的歌也是懷舊金曲，有王菲和許冠傑的歌。牆上幾個角落都分別掛左幾部電視。一邊打邊爐一邊睇電視就最正啦！剩係湯底已經有很多選擇，友人嗜辣而我剛剛病了不想吃辣，看到有一款湯底同時有麻辣和松茸菌，剛好切合我們各人的喜好便點了此款湯底，這個湯底的名子很有趣，名為：「鴛鴦戲水鍋」。肉分別嗌左一款牛同一款豬：穀飼安格斯牛肩胛肉同濟洲黑豚肉片。肉嘅紋理清晰、肉質鮮嫩。雖然店名叫「阿肥火窩」，但佢啲肉一啲都唔肥，肉同脂肪比例完美！腐竹滑溜，索左d湯，食落口湯汁盈腔。嗌左竹庶茂根，用左透明膠壺裝，見到入面放左半支竹庶、粟米同馬碲，嘩，真係真材實料呀！竹庶茂根唔會好甜，清清地，解熱氣之選。想食丸又唔想食死一款？
一班人食咩好？梗係打邊爐啦。今日行開尖沙咀，經過添咸道見到有張海報寫住「阿肥火窩」，位於嘉芙大廈地庫，要行樓梯落去，好奇係點樣嘅一間火窩店就行落去試下。
首先吸引我眼球的是地上鑲了麻將，港式味濃。莆打開門便看見一個個「攤檔」，寫著：四哥蔬菜、輝記士多等，天花吊下來的燈用的是街市的紅色燈罩，充滿港式情懷。店內設有兩間房讓客人飯聚。門外有鐵閘，設計得就像屋邨一樣，很有親切感。除左裝修擺設充滿港式懷舊風外，播的歌也是懷舊金曲，有王菲和許冠傑的歌。
牆上幾個角落都分別掛左幾部電視。一邊打邊爐一邊睇電視就最正啦！
剩係湯底已經有很多選擇，友人嗜辣而我剛剛病了不想吃辣，看到有一款湯底同時有麻辣和松茸菌，剛好切合我們各人的喜好便點了此款湯底，這個湯底的名子很有趣，名為：「鴛鴦戲水鍋」。
肉分別嗌左一款牛同一款豬：穀飼安格斯牛肩胛肉同濟洲黑豚肉片。肉嘅紋理清晰、肉質鮮嫩。雖然店名叫「阿肥火窩」，但佢啲肉一啲都唔肥，肉同脂肪比例完美！
腐竹滑溜，索左d湯，食落口湯汁盈腔。
嗌左竹庶茂根，用左透明膠壺裝，見到入面放左半支竹庶、粟米同馬碲，嘩，真係真材實料呀！竹庶茂根唔會好甜，清清地，解熱氣之選。
想食丸又唔想食死一款？可以選擇嗌四寶丸。四寶丸有墨魚丸、貢丸、蝦丸和牛丸，一次過試曬咁多款丸，啱曬我呢啲花心嘅人呀！重用上竹籠盛載，好似食點心咁，好得意！
灑上蝦籽嘅蝦滑彈牙滑身，一啲都唔鯹，好新鮮！
打邊爐我最鍾意食烏冬！見有稻庭烏冬點就豪不猶豫點了。打邊爐最緊要啲料！同一種食物都有好多唔同嘅級數，好多火煱店為左慳成本都會揀啲質素平平嘅食材，但阿肥火窩絕對不會將價就貨，稻庭烏冬好滑，「殊」一聲就入了口，不經不覺就吃完一個，由於太好吃的關係，我們決定再追加！
鳳城水餃內包著蝦，蝦鮮味十足，皮薄餡靚，好味！
油麥菜十分翠綠鮮嫩，爽口鮮甜。
張貼
