影片
更多
2018-08-04
103 瀏覽
同肥爸去食飯係肥妹仔成日諗到頭痛既環節。因為肥爸係一個唔係好願意試新野既人，所以好多時肥妹仔我如果同肥爸食飯既話就會揀中菜黎食，一黎啱肥爸口味，二黎肥妹仔都好鐘意食中菜，所以今晚就揀了去食上海菜啦~~撈拌海中寶 $82鮮蝦撈海蜇，對肥妹仔黎講係一碟餐前小食!!!海蜇非常爽脆，份量十足，而且好入味!!鮮蝦得幾隻，不過貴精唔貴多，隻隻都爽口彈牙，肥爸自己一個差唔多食晒成碟呀!外婆紅燒肉 $92肥爸係比肥妹仔仲加鐘意食肉，所以肥爸見到一有紅燒肉諗都無諗就決定叫!!!一上枱肥妹仔忍唔住同呢碟肉影咗好幾幅相，因為真係好晶瑩剔透，好似水晶咁!肥妹仔我數過了，真係有五層，係肥豬肉同瘦肉一層層相隔住。d肥豬肉已經俾個紅燒汁滷到入口既溶，一d都唔肥膩，而層瘦肉就相對黎講比較韌，但係連埋個肥膏一齊食就啱啱好中和到，紅燒汁咸甜適中，滷到舊紅燒肉入唒味，好食。松子桂魚 $238同肥爸食飯都係會叫番條魚食下，炸松子桂花魚好大條，不過炸粉都有少少厚，勝在佢炸得夠鬆化，食落都好味。條桂花魚肉質都算滑，配上個甜酸汁黎食真係一d都唔油膩架!蘿蔔絲酥餅 $42哈哈，呢個蘿蔔絲酥餅入面既蘿蔔絲好香同好大條，應該有用豬油去整
撈拌海中寶 $82
鮮蝦撈海蜇，對肥妹仔黎講係一碟餐前小食!!!海蜇非常爽脆，份量十足，而且好入味!!鮮蝦得幾隻，不過貴精唔貴多，隻隻都爽口彈牙，肥爸自己一個差唔多食晒成碟呀!
外婆紅燒肉 $92
肥爸係比肥妹仔仲加鐘意食肉，所以肥爸見到一有紅燒肉諗都無諗就決定叫!!!一上枱肥妹仔忍唔住同呢碟肉影咗好幾幅相，因為真係好晶瑩剔透，好似水晶咁!肥妹仔我數過了，真係有五層，係肥豬肉同瘦肉一層層相隔住。d肥豬肉已經俾個紅燒汁滷到入口既溶，一d都唔肥膩，而層瘦肉就相對黎講比較韌，但係連埋個肥膏一齊食就啱啱好中和到，紅燒汁咸甜適中，滷到舊紅燒肉入唒味，好食。
松子桂魚 $238
同肥爸食飯都係會叫番條魚食下，炸松子桂花魚好大條，不過炸粉都有少少厚，勝在佢炸得夠鬆化，食落都好味。條桂花魚肉質都算滑，配上個甜酸汁黎食真係一d都唔油膩架!
蘿蔔絲酥餅 $42
哈哈，呢個蘿蔔絲酥餅入面既蘿蔔絲好香同好大條，應該有用豬油去整，個酥皮好鬆化，係一咬即化果隻，好高水準呀!!!
皇朝小籠包 $108
戲肉黎了，一共有8種口味，分別係原味，人參，鵝肝，黑松露，芝士，蟹粉，蒜香同麻辣，肥妹仔同肥爸每人食咗4隻，肥妹仔我食了原味，芝士，蟹粉，蒜香!!!呢4隻小籠包真係隻隻都爆多湯汁，原味係果隻瘦肉濃湯味，豬肉餡好滑同好juicy!!!芝士味都幾濃，係估唔到佢同豬肉餡都咁夾，蟹粉就好濃蟹膏味，好鮮，而蒜香就有少少似原味，不過就多咗種蒜頭既味道，非常有趣~其他味肥妹仔我無試到，不過我估都一定好好食!
檸檬盧薈桂花蜜 $42
中式糖水，好清甜，陣檸檬味好清新，食咗咁多油膩野再整番碗桂花蜜真係好舒服~
環境坐得好舒服，d店員又非常有禮貌，肥爸今餐我做佢都食得好enjoy~
張貼
