原點 (已結業)

復活節一連四日放假搵一日出去食少少野輕鬆吓條街唔算好多人去搵間甜品舖食下午茶！朋友話有間好食嘅甜品一定要去🙈今日一於去😂 5:00左右未係話好多人，好彩早少少去！5:30左右多咗唔少人嚟等候 入到餐廳店員好細心將每張枱都加設左隔板又幫我哋，一邊食嘢都放心好多！俾我知道佢哋咁支持香港本土小店我都不遺餘力大多幾樣甜品食下！首先叫咗一個伯爵茶千層蛋糕味道都唔錯若然伯爵茶味濃烈啲就好啦！我就叫咗個朱古力Baileys窩夫!!!仲揀咗節日嘅椰子雪糕！好鍾意個椰子雪糕唔會好甜仲好香椰子味添食落口好滑身，而且仲有少少果肉唔錯唔錯👍🏻開始動手食我個窩夫啦冇諗過朱古力味嘅窩夫都幾好食要窩夫裏面仲有埋麻薯添！食落去外脆內煙韌！好金好得意，好正啊！再沾埋Bailey cream一流啦!朋友再叫咗個藍妹忌廉窩夫配抹茶味雪糕淨係個賣相已經好吸引，打卡必備之物！藍莓creamcream食落口好香滑，藍莓味重而且同原味窩夫一齊食好夾，食完有滿足感呀！真係幾好食唔怪得知咁早就開始有人排隊!