聚豪軒

營業中

休息中

是日新年年初三，去酒樓晚餐，諗住開心食飯家人團聚，點知…座位：一行15人（已預約）比張12人枱，無安排足夠位，我地去到發現唔夠位，最後要部分櫈轉圓櫈先坐得哂，好迫好辛苦咁食餐飯。重點，原來成個場無坐滿，坐大約1/3-1/2人，其中一張大啲既枱吉左都唔比我地坐。冷氣：食餐飯，感覺凍過出邊街，啲冷氣吹到個人同食物都好凍。服務質素：唔識執生，叫一下先做一下，唔主動收拾同換碟等等，無咩服務可言，5個職員中，只有一個係好。食物：一嚟就上好多餸菜，成枱滿哂隔幾分鐘又再出，完全無位上，職員只係想夾硬擺上枱，完全冇諗住幫手轉碟等等…食物質素還可，但由於太快推哂啲餸菜岀黎，加上冷氣太大，好快吹到凍晒都唔好味呢，大打折扣！香港生意已經比以前難做，如果仲係咁嘅表現，好快又會好似海港咁執㗎啦。