蝦麵店 (蘭杜街) (已搬遷) 新店位置

再次光顧，都係抵受唔住喇沙既誘惑，再一次叫咗喇沙，不過今次轉叫墨丸魚片，叫做試吓新野，朋友亦點咗雞絲雞蛋！雖然覺得湯底冇上次咁驚艷，但都總算出色，喇沙好香，料同麵亦足。粒墨丸真係亮點！因為食得出佢真係用墨魚製作，非常有墨魚味，強烈推介！因為墨丸太出色，令到其實質素都唔差既魚片就相對失色了，不過其實佢都好彈牙爽口。友人的雞絲量都非常多，我試咗兩啖，覺得啲肉質都算嫩，唔會係死實口感。我覺得呢間店最有特色就係你可以叫摻摻，摻摻既係將油麵同米粉加埋一齊係同一碗麵度，一次過食到唔同口感，滿足哂貪心既你！哈哈哈！