沙拉姆咖喱屋

營業中

休息中

前排係網上用$70買左價值$130既coupon，而張coupon寫明只可以lunch時間用，所以今日大約十二點十五分去到，入到去間餐廳無其他客人，其實間餐間得一條直行，放左餐枱後只係靜番一條好窄既通道，坐底後就同好大隻既老闆講我地今次係用coupon既，用coupon就唔可以叫套餐同埋要收加一服務費，所以我地就散叫左以下:1. 雜菜咖哩角沙律 - 有青瓜，蕃茄，薯仔，芫茜，同硬硬地脆脆地既野(應該係咖哩角)，再加上沙律醬撈埋，可能食唔慣印度d沙律醬，所以覺得d味怪怪地，但青瓜好爽，薯仔都甜，食到最後又覺得幾好食，不過份量唔多收$48，都算貴。2. 無骨雞肉($68) - 鐵板上，上枱時仲吱吱聲，雞肉醃過所以表面係紅色，大約有六，七件，雞肉都算清滑，因為醃過所以帶點酸味，好食！3. 牛油印度考餅($15) - 考餅有三塊，表面茶上牛油，食落煙煙韌韌。