船皇 (厚福街) (已結業)

同男朋友係尖沙咀有啲野要買，買完就諗住係附食埋飯，但又吾想食咁貴，點知比我地搵到間又好食又抵既泰式店。我地叫咗碗船皇撈麵，入面有晒咁多種料，包括牛腩、牛肉、牛丸、豬肉丸、雞翼、雞絲等。而且，我地仲搵咗蛋麵嚟撈，真係好夾呀，因為佢本身既撈麵汁係醬油肉碎。另外，我地仲叫咗個牛既湯麵，麵底揀咗金邊粉。個湯底好濃牛腩味，而且啲牛腩好淋好入味。而啲牛肉係肥牛嚟既，所以溝埋啲牛腩湯都好惹味。必叫既係炸豬皮，真係炸得好好，超級脆😍 我地仲試咗將啲豬皮放咗去啲牛腩湯度浸一浸都好正。一見到炸雲吞皮，男朋友就話要食，果然吾錯，因為佢好薄，而且吾係好油。仲叫咗三串串燒，包捨係魚餅、牛舌同埋豬頸肉，我地三串都係叫咗沙嗲醬，不過如果下次再嚟會想試下泰式辣汁。三串入面，最岀色係魚餅，值得一試。