影片
更多
2009-06-30
原本今日一家人開開心心想食餐咖哩蟹，高興下。近近地，就揀左呢間指天椒泰國餐廳，諗住裝修唔錯，個四人晚餐有齊我地想食既野，好吸引咁啦！七點左右到逹，仲有ｄ唔錯既卡位，坐落張枱又闊，梳化又舒服，幾滿意架！點知叫完哂菜，個惡夢就開始了．．．ｄ餸菜上得好快下，眨眼間前菜同個冬蔭公已經黎到；我地一行四人還在分緊湯，其他炒雜菜呀，豬頸肉呀，主打咖哩蟹等等都上埋黎！呢度ｄ侍應好特別，唔會理你枱上面ｄ飯菜如何都只會在枱邊上菜，再用力往裡推。換言之，佢真係懶理你食緊野或者張枱有幾滿，佢都唔會幫你擺過ｄ碟。侍應埋到黎既任務只有一個：將個菜上到你張枱。公道一句，個咖哩蟹本身味道不錯，香口而不太辣，適合香港人口味。唯獨是蟹斬得太大件，加上濃郁的咖哩汁，侍應又只係供應左一個鉗仔，結果大家選擇了用手食，食到一手都係咖哩汁．．．當初大家忙住食蟹，都唔覺有乜大問題既。但係當我既家人食到完要上洗手間清理一下時，打算順便叫侍應來換碟，問題就出現了。話說我地張枱ｏ係入口近轉角位，左右都可以招手叫侍應，但我地舉了手好一會兒，眼見一個又一個的侍應在右邊通道行來行去，都冇人理我地。起初以為佢地見唔到，於是將手舉高ｄ又伸高ｄ。又過
七點左右到逹，仲有ｄ唔錯既卡位，坐落張枱又闊，梳化又舒服，幾滿意架！點知叫完哂菜，個惡夢就開始了．．．
ｄ餸菜上得好快下，眨眼間前菜同個冬蔭公已經黎到；我地一行四人還在分緊湯，其他炒雜菜呀，豬頸肉呀，主打咖哩蟹等等都上埋黎！呢度ｄ侍應好特別，唔會理你枱上面ｄ飯菜如何都只會在枱邊上菜，再用力往裡推。換言之，佢真係懶理你食緊野或者張枱有幾滿，佢都唔會幫你擺過ｄ碟。侍應埋到黎既任務只有一個：將個菜上到你張枱。
公道一句，個咖哩蟹本身味道不錯，香口而不太辣，適合香港人口味。唯獨是蟹斬得太大件，加上濃郁的咖哩汁，侍應又只係供應左一個鉗仔，結果大家選擇了用手食，食到一手都係咖哩汁．．．
當初大家忙住食蟹，都唔覺有乜大問題既。但係當我既家人食到完要上洗手間清理一下時，打算順便叫侍應來換碟，問題就出現了。話說我地張枱ｏ係入口近轉角位，左右都可以招手叫侍應，但我地舉了手好一會兒，眼見一個又一個的侍應在右邊通道行來行去，都冇人理我地。起初以為佢地見唔到，於是將手舉高ｄ又伸高ｄ。又過了一會，發現通道上那四位侍應有望過黎，但沒有意識來幫忙。咁我地又以為佢地忙緊入單啦，於是又再等．．．直到我家人已經去完商場個廁所返到黎，我地仲未有人來serve！！礙於ｄ碟真係太多蟹殼，而其他菜一早上哂已經開始凍，實在冇時間再等下去，於是本人就走到通道求助。一起身，那些侍應四散，最後我只能去請走得最遲的一位女侍應幫我們換碟。
誰不知，本人得到的答案是：她只是負責派籌，係唔會幫我換碟的（此句真的來自該女士，無奈）她會找另一位同事來換。奇怪的是，她負責派籌，但我舉手叫侍應期間，她一直都站在餐廳深處．．．而且她之前亦有過我們拿紙巾等等雜務。
事實上，我見她已經立即叫另一位同事來換碟，便回頭打算回座位了。可是，她卻跟著我身後，繼續埋怨我走來要她「做野」，怪我不明白她的職責範圍。（我只是來食一餐飯，我又怎會知道她的職責何在？更何況，假若我一早找到侍應幫手，我也不想行來行去找她來這麼狼狽！！）
以為事件到此為止吧？才不！換了另一位黑衣侍應，他換碟時也無端端開口怪我不可離開座位，只須舉手就可以了。這時本人再次表明，我已舉了不少次，但被無視。不過這樣的解釋似乎無效，黑衣男侍應繼續埋怨我離座找派籌小姐，以致派籌小姐要他來換碟．．．我奇怪難道幫助食客換碟不是侍應的工作之一嗎？最後，我只能夠無奈地以一句：「請問如果我再要任何服務，應該向誰招手求助呢？作為顧客，我也想做好ｄ，配合返你地啦．．．」他們才肯停止抱怨。
其實呢間餐廳真的有其可取之處，口味大眾化，環境舒適，不過員工態度真係不敢恭維．．．臨前我地仲見到黑衣侍應不慎打翻了碗碟，不過佢地就咁找來一疊紙巾吸乾地板，然後就任由骯髒的紙巾留在食客腳下，沒有再跟進了。怕且連茶餐廳用紙巾清潔後也會順便用掃把掃走垃圾吧!?
總結是：這間餐廳的分工很仔細啊！
張貼