金培餐廳

難得天氣涼涼地就同家人一齊入大澳行下，下午經開此餐廳，見到門口有晒花牌，原來今日重新開張，原本諗住入去食，點知有今客出嚟話壞咗一個爐頭，出菜勁慢就無幫襯。

到咗下午5:15左右經過，見到裡得一兩枱人就入去試下。

從職員同兩枱居民食客傾談，得知餐廳今日重新開幕。

4

餐牌同之前其他食評post 都差唔多。

而食物未上枱，見到位疑似老闆同居民食客言談間充滿粗口，真係免費同大家送上大澳海鮮(炒蝦拆蟹)，真係諗住快快食完就走人🤦🏻‍♂️

椒鹽鮮魷

$90

1. 椒鹽鮮魷($90) 碟嘢上枱我真係O晒咀。份量勁少，得個10舊，我見隔離居民食客個枱一同出菜，而份量目測起碼多一半做生意真係唔係咁做，熟人就比正常份量，而外來客就少近一半，餐廳對外來客大細超得好過份。

大澳小炒王

$90

2. 大澳小炒王($90)，份量睇落正常，但整碟小炒王有7成係芽菜墊底味道方面，D 魷魚係一D味都無，得少少蝦醬味。

大澳蝦膏炒飯

$65

3. 大澳蝦糕炒飯($65)，賣相正正常常，以為無乜嘢，點知食咗兩啖就出事

大澳蝦糍炒飯

炒飯裡起碼有5、6舊蝦糕(見上圖)未炒勻，第一啖無留意就咁食咗入口真係超咸食完之後起碼飲左5到6杯茶。食完飯後超口渴，廚房師傅真係落左好多味精



環境方面，男廁洗手水龍頭插左條腸長水喉，根本去完廁所後就洗唔到手



整體來說，食物水準、同環境都唔掂，食物份量少，價錢貴，終於明白乜嘢叫做”貼錢買難受”，真係永久blacklist。