伊甸 (已結業)

餐廳裝修後，所有嘢都變差，價錢85%就係食裝修。之前算抵食嘅下午茶已經取消咗，3、4點食都照計午餐價，閒閒哋都成百蚊落樓。但奇怪嘅係份量仍舊似足下午茶，價貴量小👎🏻點咗碗牛肉麵，前所未見過咁差，係完全夾唔起，成碗都係麵碎，唔用匙羹根本食唔到；牛肉多數係柴嘅質素，大舊難趙；加配咗杯涷珍珠奶茶，但蓋係熱飲蓋，根本無窿插飲管，要特登開咗個蓋先用到飲管啜珍珠。成個餐無一可取，但以工業區嚟講價錢屬超貴，一定唔會有下次！