影片
更多
2022-09-06
311 瀏覽
.今晚食串燒、啤啤佢🤤爽呀！*燒鹿兒島豚肉串 ($32)*叫左一串試試，燒得好香，肉質較結實。*頂級鹽燒多春魚（4條）($46)*好耐冇食了，好多魚春，外面灑上幼鹽燒，食落咸咸地好入味。*烤雞腎串（2串）($32)*燒得剛好，有嚼口，我地叫左小辣，食到有少少孜然味好惹味。*極品烤餃子釀雞翼（2隻）($35)*我最愛😋啖啖肉，燒得外脆內軟，味道微辣可口。*金銀蒜蓉燒生蠔（4隻）($85)*呢個大推👍🏼生蠔都幾大隻，好肥美好juicy，連埋蒜蓉、辣椒一齊食，勁香勁惹味，直衝味蕾🤪中意重口味人士大愛。*惹味蒜蓉生燒茄子 ($48)*原條茄子燒，好大份呀！仲有好多蒜蓉、辣椒，好入味，亦有少少燒焦既味道，勁正！大推👍🏼*甜蜜脆脆糖燒菠蘿 ($29)*食完咁多咸咸辣辣既串燒，必叫燒菠蘿做甜品🤭好甜🤤*燒一口回憶港式魷魚仔 ($48)*好少地方有，除非去大澳、長洲？魷魚仔燒得結實，食落咸咸地，配上wasabi 豉油食味道更豐富更惹味，五感交雜咁🤪*惹味沙茶燒金菇 ($35)*熱焫焫上枱，好重沙茶味😋啲金菇吸哂沙茶醬汁入哂味～*安安秘製三重芝士撈丁 ($54)*勁重芝士味，混合左車打芝士、藍芝士、巴馬
今晚食串燒、啤啤佢🤤爽呀！
*燒鹿兒島豚肉串 ($32)*
叫左一串試試，燒得好香，肉質較結實。
*頂級鹽燒多春魚（4條）($46)*
好耐冇食了，好多魚春，外面灑上幼鹽燒，食落咸咸地好入味。
*烤雞腎串（2串）($32)*
燒得剛好，有嚼口，我地叫左小辣，食到有少少孜然味好惹味。
*極品烤餃子釀雞翼（2隻）($35)*
我最愛😋啖啖肉，燒得外脆內軟，味道微辣可口。
*金銀蒜蓉燒生蠔（4隻）($85)*
呢個大推👍🏼生蠔都幾大隻，好肥美好juicy，連埋蒜蓉、辣椒一齊食，勁香勁惹味，直衝味蕾🤪中意重口味人士大愛。
*惹味蒜蓉生燒茄子 ($48)*
原條茄子燒，好大份呀！仲有好多蒜蓉、辣椒，好入味，亦有少少燒焦既味道，勁正！大推👍🏼
*甜蜜脆脆糖燒菠蘿 ($29)*
食完咁多咸咸辣辣既串燒，必叫燒菠蘿做甜品🤭好甜🤤
*燒一口回憶港式魷魚仔 ($48)*
好少地方有，除非去大澳、長洲？魷魚仔燒得結實，食落咸咸地，配上wasabi 豉油食味道更豐富更惹味，五感交雜咁🤪
*惹味沙茶燒金菇 ($35)*
熱焫焫上枱，好重沙茶味😋啲金菇吸哂沙茶醬汁入哂味～
*安安秘製三重芝士撈丁 ($54)*
勁重芝士味，混合左車打芝士、藍芝士、巴馬臣芝士，啲麵掛哂芝士汁，好濃郁，有芝士咸香味，呢個要趁熱食，唔係啲芝士就會瓊左😆
*菠蘿啤（低酒精偏甜) ($17)*
得1%酒精🤪甜甜地，菠蘿味蓋過啤酒味。
*藍妺啤酒細支裝 ($23)*
食串燒一定要飲啤酒🍻完美配搭😋
呢間串燒店我bookmark左好耐，今日終於有機會黎試試😋真心每樣串燒都高質，調味同燒烤都做得好好，就算平日黎都坐無虛席，受歡迎程度好高😆店內環境都幾好，冷氣足夠，店員服務又好好👍🏼唔錯唔錯⭐️
.
味道 ★ ★ ★ ★ ★
環境 ★ ★ ★ ★ ☆
服務 ★ ★ ★ ★ ☆
性價比★ ★ ★ ★ ☆
.
張貼
