南小館 (已結業)

學完車過左葵芳食野，因為已經好夜，得返呢間餐廳仲開。我地叫左個鍋貼食，表面好脆口，入面包左好大舊豬肉，好juicy 唔會好干身，但個皮略微厚左啲。第一道麵叫左牛腩麵，牛腩份量都多，牛腩好香，但唔夠腍，湯底夠濃，麵就軟硬適中。第二道叫左四川担担麵，呢個好好味，湯有好香花生醬味，有麻辣味，加埋肉碎一齊食一流，呢個麵偏硬，如果煮耐啲我覺得會再好味啲。两個人食左二百蚊。因為好夜去啲人趕住收工，但都無好差嘅服務。