翡翠拉麵小籠包 (已結業)

食上海野可以去翡翠小籠包度食，呢間野都算抵食，最正就係有匯豐信用卡，長期都會有優惠套餐，用咗信匯豐信用卡幫襯左好幾次，平均一人都係$100鬆啲左右，而且係可以食得飽嘅！最鍾意食佢嘅雞絲粉皮同小籠包，小籠包都算皮薄，雞絲粉皮嘅花生醬我至愛！而且呢間都算可以坐得幾耐，只要你一直仲有野未食完就唔會俾人趕走😂😂😂同埋佢都算服務唔錯，會主動斟茶，所以都算係一間幾好既餐廳。如果大家除咗飲茶之外，仲想飲其他飲品嘅話，我會建議大家飲豆漿，咁樣更加可以配合上海風味嘅菜式😇