上海姥姥 (已結業)

黎到樂富廣場一期，今晚簡左上海姥姥食下，晚上8點鐘黎到，唔使等就可以入座了，原本職員話安排坐Bar台，不過最後都安排左坐下面普通既台。睇左餐牌一陣，真係太多選擇啦，但招牌小籠包係必食既，亦係好出名。之後再點左一客三鮮鍋貼、菜肉雲吞拉麵、凍甜豆漿。等左5分鐘左右，上左菜肉雲吞拉麵，個湯好清，但雲吞粒粒都好大粒，碗面既份量都十足。 招牌小籠包味道亦唔錯，咬一口，入面既湯漏哂出黎，真係要小心d先得。最後上既就係三鮮鍋貼，因為岩岩煎起，所以好夠熱，要擺係度攤唞下先，先再慢慢食。