蔦

呢日行左成日街，好攰又餓，就求其係附近海港城揾左依間拉麵店食晚餐。

舖面裝修唔錯，門口隔離有大大塊牌寫住:日本第一xxxx，大家笑下就算，其實有邊間唔會咁講😅

入到去坐吧檯，可以睇住師傅整拉麵，客都好多，氣氛算唔錯。

照燒雞辛味拉麵

$98

我叫左個照燒雞辛味拉麵，雞叉燒睇住佢扎，幾吸引。一上檯，先飲一啖湯，湯頭用豬骨煲，幾濃味，不過味精味都夠濃，辣度十足，追求齋辣既人會鐘意，想要一碗吸引人既拉麵就唔係果回事了，又鹹又辣，最值得讚就係面頭果幾塊炸蒜片😅

醬油叉燒味玉拉麵

$148

友人叫左碗醬油叉燒味玉拉麵，醬油湯清但油，味唔夠濃，叉燒一般，冇特別，溏心蛋過老了，咁既價錢好唔值得😓