茶木‧台式休閒餐廳 (已結業)

今日放假，同朋友係銅鑼灣行街，行行下都開始攰，去左世貿中心搵下午茶，見到茶木開左張不久，就同朋友試下。感覺很好，侍應樓面既 員工都好好招待，等左10分鐘就入得，入面新裝修好大好靚，有海景睇之餘餐廳設計都以海藍色為主題。講返食方面就叫左幾款菜式同飲品，最特別既係呢個(漁夫海鮮鍋)，用鐵板上熱呼呼的!!!2個人食岩岩好，味道好入味，仲有好大隻蝦係面頭，影相都夠哂飽。天氣咁凍再加上一杯熱既水果茶，好極了!!!呢餐下什午茶唔太貴，又飽，又可以同朋友暢談一番，下次都會再過來呢到用膳吧。