魚眾不同酸菜魚 (啟德一號) (已結業)

嗰日叫咗個一人火鍋麻辣湯底配海鮮鍋，湯底味道唔錯，但唔知係咪食材定太辣嘅緣故，隔咗幾個鐘就嘔返出嚟，仲要肚屙。（利申：平時都有食開辣都冇咩事）一人邊爐嘅邊爐設計又係奇怪，個熄爐嘅蓋係冇手柄，究竟要點放入去爐底熄火？！試咗幾次，仲要搞到差啲辣親手！後來真係搞唔掂，就叫侍應幫手熄。但其實如果點都要叫侍應嚟，先可以關到個爐，咁一開始就唔好放底熄爐嘅蓋，唔好令人哋有機會試熄爐而受傷。總結，-味道係唔錯，十分食得辣同腸胃好嘅人可以去試吓-食一人邊爐，唔好自己熄火-專心喺食物上，慢慢食可能會有助消化，唔好太在意服務