發記甜品 (已結業)

是晚晚飯後經已是10時多，大家都已經食飽飲醉，可是經過發記甜品，大家依然蠢蠢欲動。尤其當小妹聞到陣陣榴槤香味，立即想起了林鳳姐姐既榴槤飄香，「飄來榴槤之香 芬芳到嘴邊…」店內只有十多個位，基本上一定要等位既，不過幸好不過等了十多分鐘，呢個注明左兩件事，一係雖然多客，但佢地效率之高係值得鼓掌既；二係客人都好識做食完就自動讓位。四個人點左四個唔同既糖水，小妹點既當然係榴槤飄香，好好味呀，講texture夠creamy夠rich，講榴槤，絕對足料唔係揸流灘。因此$36一碗糖水，以尖沙咀地段加上咁既質素，真係算幾ok~~