麻辣風雲 (已結業)

旺角麻辣風雲旗艦店裝修好有特色，一入門口就有個風雲亭。 一坐喺入面就不禁浮起古時名將大俠們煮酒論英雄，快意江湖嘅人生~差啲衝口而出叫咗一聲：店小二，上三兩白酒同下酒菜 🤭今次再訪麻辣風雲係因為見到佢哋新推咗個好有特色嘅荔枝蝦球，一上台嘅時候煙雲四起，立即猶如進入騰雲駕霧仙境一樣嘅 feel~ (好好影📸相機預備）碧綠荔枝樹上上掛滿一粒粒紅彤彤嘅蝦球，香脆嘅外皮入面滿載緊實而彈牙嘅蝦膠肉，點埋個甜酸汁開胃又開心~涼拌燒椒皮蛋，呢個作為前菜鮮辣開胃，皮蛋唔係好流心但食完留有餘韻香氣乾煸肥腸 （我哋要咗中辣）爆炒過嘅肥腸外酥內軟，中間保留左部份嘅脂肪食落但依然有油香味，食得好過癮同埋用嚟送酒🍻🍻🍻簡直係一絕~孜然魔鬼炒羊肉 ，雖然有魔鬼呢個 term 但係唔係好辣㗎咋，唔好比佢嚇親。呢味菜有濃濃嘅孜然味加埋羊肉嘅獨特騷香 🐑鹹香惹味，十分下飯之選宜賓涼拌冷麵。第一次食呢個菜式，欣賞佢份量細細的骰唔多扣 quota~麵條有筋度，撈混宜賓芽菜，花生蔥花等配料聞落香氣濃郁，食落微辣清爽利口，無揀錯~仲叫咗上湯浸娃娃菜🥬 食咗咁多辣野必須要叫返一道清下個味蕾，娃娃菜嘅甜加埋上湯可以快速降火解辣~又可