影片
更多
2018-06-19
237 瀏覽
每年可能得一兩次因為踩單車而嚟到大圍，但都被我遇到一間具有特色既西餐廳，令我有多個籍口入嚟大圍。餐廳燈光偏暗，牆身同屋頂掛滿世界杯既裝飾物，吊燈令餐廳更添浪漫氣氛。我地叫左二個set dinner，頭盤同主菜選擇甚多。餐廳提供不同類別既酒，包括紅酒、白酒、啤酒，甚至手工啤。下單後就黎左嗰snack，係西班牙番茄包，包偏向鹹，同蕃茄嘅配搭非常夾。我飲南瓜湯，偏甜。尊貴既女朋友當然加錢飲龍蝦湯，口感濃郁，最正係有龍蝦肉食！頭盤係煙三文魚芝士卷，卷內有一條cheese、青瓜及tomato，賣相精緻，富有層次，味道清爽，三文魚非常鮮甜。另一個頭盤係意式香辣腸炒大蝦，大蝦炒得香辣，而且保持濕潤。羊架平時食得多，羊膝直係第一次品嚐。上菜時俾羊膝既巨大size震攝左。肉質非常軟綿，可以用叉輕易鬆開羊肉，羊味濃。我自己較鍾意薯蓉作伴碟，呢道菜式正正有大量薯蓉，非常creamy。到第二個主菜啦！西班牙脆皮乳豬果然非常脆口，冇咩肥肉，啱曬keep fit既女友。餐廳一共提供海鮮汁同彩椒汁，總有一款啱你合味，我個人傾向彩椒汁。以為今餐告一段落，怎知仲有甜品每人有一份雪糕泡芙同朱古力慕絲蛋糕，值得一讚嘅係蛋糕
餐廳燈光偏暗，牆身同屋頂掛滿世界杯既裝飾物，吊燈令餐廳更添浪漫氣氛。
我地叫左二個set dinner，頭盤同主菜選擇甚多。餐廳提供不同類別既酒，包括紅酒、白酒、啤酒，甚至手工啤。
下單後就黎左嗰snack，係西班牙番茄包，包偏向鹹，同蕃茄嘅配搭非常夾。
我飲南瓜湯，偏甜。尊貴既女朋友當然加錢飲龍蝦湯，口感濃郁，最正係有龍蝦肉食！
頭盤係煙三文魚芝士卷，卷內有一條cheese、青瓜及tomato，賣相精緻，富有層次，味道清爽，三文魚非常鮮甜。
另一個頭盤係意式香辣腸炒大蝦，大蝦炒得香辣，而且保持濕潤。
羊架平時食得多，羊膝直係第一次品嚐。上菜時俾羊膝既巨大size震攝左。肉質非常軟綿，可以用叉輕易鬆開羊肉，羊味濃。我自己較鍾意薯蓉作伴碟，呢道菜式正正有大量薯蓉，非常creamy。
到第二個主菜啦！西班牙脆皮乳豬果然非常脆口，冇咩肥肉，啱曬keep fit既女友。餐廳一共提供海鮮汁同彩椒汁，總有一款啱你合味，我個人傾向彩椒汁。
以為今餐告一段落，怎知仲有甜品每人有一份雪糕泡芙同朱古力慕絲蛋糕，值得一讚嘅係蛋糕既朱古力非常濃滑。
連飲品都大大杯，今餐真係無懈可擊！
張貼
