一風堂 (香港逸東酒店) (已結業)

其實我未食過香港一風堂，因為唔係經常食拉麵，見佢有新舖開張又冇乜人，咪去剪綵下午三點，過哂食飯時間，大大個場得兩三枱客，裝修有現代日本風，廚房大玻璃見到內部格局同熱騰騰蒸汽由於我未幫襯過，要向店問查問每款口味嘅分別，店員都好細心解釋，不過我都係鍾意剔紙仔多啲，唔知係咪因為落單要人serve嘅關係，呢度原來要收10%服務費我點左碗赤丸，落枱嘅時候，第一印象係熱力十足，好似仲煮緊咁，冬天食一定正，先試湯頭，富豬骨鮮味，膠質唔重，再撈勻辣醬同埋黑蒜油，多左份辣味，係似豆瓣醬嘅辣，但係黑蒜味好薄弱，蔥粒亦都唔香麵條我揀普通硬度，幼麵其實好易煮過龍，時間要準確，不過對佢地黎講唔難，一定有計時，所以煮出黎都合乎要求，只不過本身麵質欠啲彈力最好味係幾片豚肉叉燒，醃得好入味，即使湯底有辣味有豬骨，都遮蓋唔到叉燒嘅味道，咬落口實在得黎，唔會乾，唔會柴，如果厚身少少我相信係會食到爽口肉質，同入口即化嘅叉燒，又係另一種風味呢碗麵我覺得食得過，但係收左我10%都要我拎單去收銀比錢，就有啲唔甘心，囉！