同朋友仔去咗灣仔行街，意外地係街角見到間新開既日本餐廳，仲可以食Omakase！
中午仲有更多既套餐可以選擇，咁就入到去先慢慢揀啦
朋友仔鍾意食牛，就揀左$180 美國頂級牛扒照燒配白飯
牛扒燒到香氣十足！肉質偏軟有咬口，但一啲都唔韌。重點係牛味真係夠重
白飯唔洗多講，係粒粒飽滿、有米香既珍珠米
我就想試多啲野，叫左壽司定食配角切魚生飯
壽司定食就有六件壽司加一件蛋蛋糕
當中最吸睛既就係黎自兵庫縣室海膽，份量很足、又飽滿有光澤。食落夠哂鮮甜，新鮮
角切魚生飯可以見到魚生係有一定既份量，咬落口絕對有口感
午餐仲配有日式沙律、茶碗蒸、前菜海哲，更可選甜品或餐飲，CP值更高
