泰嘟嘟

營業中

休息中

泰菜夠晒惹味，無論係小食前菜、定係小炒、飯麵主食，總有一款啱胃口，所以出街食飯好多時最後都會食泰國嘢今次嚟大角咀呢邊，喺條小巷度有間食泰菜嘅，食物非常之有誠意及風味正宗。食物選擇多，而且價錢比起連鎖式嘅泰菜餐廳便宜小食拼盤（大）有齊炸蝦餅、魚餅、春卷、雞翼、串燒及香葉包雞，分量十足。我自己本身就最鍾意食炸蝦餅，呢個外皮香脆，蝦肉爽彈鮮甜，絕對係水平以上嘅作品其他食物都不過不失～呢個泰式明爐花甲鍋亦都係驚喜之作，一般嘅泰國餐廳唔會成日見到。鮮甜嘅花甲配上肉碎辣湯，鍋底亦有不少粉絲作伴，吸收晒湯底嘅鮮甜精華，十分好吃！食重口味嘅泰菜一定要配清甜嘅椰青中和一下