烤魚叔叔 (已結業)

喺尖沙咀附近，見到呢間新開嘅烤魚店，平時我都好勁鍾意食串燒，火鍋同烤魚嘅！呢間餐廳全部都有， 啱晒有選擇困難症嘅我！👽🔥燒羊肉-咩咩咩！雖然好重羊味，但唔會好騒。肉質燒得好好，夠Juicy，又彈牙！🐏🔥燒四季豆 🫛- 勁嘢味，四季豆索索聲, 卜卜脆，仲有好多條Tim!🔥燒冬菇 - 嘩，好正啊！原汁原味，一咬落去個冬菇勁多汁，唔會燒到太乾身！🔥燒雞腎 - 食串燒必定會叫！雞蛋燒到好乾身，大道中鎖住啲肉汁，口感煙煙韌韌，讚啦😙🔥毛血旺烤魚（江團魚）登登登登🤪，終於到主菜啦！賣相勁靚，一上到嚟熱辣辣見到勁多蒜蓉同辣椒鋪係魚嘅上面，都已經好想即刻食啦，仲要勁多汁！🤭毛血旺烤江團魚唔止口感好飽足，仲有帶嚟濃郁嘅香辣風味，令人食嘅時候食得口水直流。辣味同魚肉嘅鮮美融合得好恰到好處，刺激味蕾嘅同時仲保留住魚肉本身嘅鮮甜。😵其次，江團魚經過烤制之後，外層變得微脆🥹，內部仲保持住魚肉嘅柔軟同鮮嫩。呢種質地嘅結合，令每一口都有層次感，好豐富呀！😎我哋仲追加咗個唐生菜做配料，索晒啲汁咁！超正😊